გრიგოლ კაციამ მონაწილეობა მიიღო კონფერენციაში "დუალური პროფესიული განათლება"

გრიგოლ კაციამ მონაწილეობა მიიღო კონფერენციაში "დუალური პროფესიული განათლება"

„განათლება მთავრობის გაცხადებული პრიორიტეტია და ყველას კარგად გვაქვს გაცნობიერებული, რომ ქვეყნის ეკონომიკის განვითარებისათვის აუცილებელია ხელმისწავდომი ხარისხიანი განათლების სისტემა“ - განაცხადა რეგიონული განვითარებისა და ინფრასტრუქტურის მინისტრის მოადგილემ გრიგოლ კაციამ დღეს კონფერენციაზე „დუალური პროფესიული განათლების კოორდინაცია“, რომელიც სავაჭრო-სამრეწველო პლატის ორგანიზებით გაიმართა. ღონისძიებაში განათლების, მეცნიერების, კულტურისა და სპორტის მინისტრის მოადგილე და პრეზიდენტის ადმინისტრაციის უფროსი მონაწილეობდნენ. დუალური პროფესიული განათლება სწავლების ერთ-ერთი ფორმაა, რომელიც განათლების მიწოდების პროცესში დამსაქმებლის ჩართულობას გულისხმობს. ეს მექანიზმი პროფესიული განათლების შრომის ბაზართან დასაახლოვებლად გამოიყენება. დამსაქმებელი ასევე ჩართულია სტუდენტის შეფასების პროცესში, რაც კურსდამთავრებულის დასაქმების შესაძლებლობას ზრდის. საქართველოში სამუშაოზე დაფუძნებული სწავლების დანერგვა, გერმანიისა და შვეიცარიის მთავრობების მხარდაჭერით, ორი წლის წინ დაიწყო და მისი მასშტაბები ეტაპობრივად იზრდება. „აუცილებელია, რომ განათლების სისტემამ შრომის ბაზრის მოთხოვნებს უპასუხოს. სხვადასხვა პროფესიის მიმართულებით დღეს გვაქვს საჭიროებები, მაგრამ სამწუხაროდ არ გყავს შესაბამისი კომპეტენციის კადრები. ამიტომ, მთავრობა მუშაობს პროფესიული განათლების სრულიად ახალ მოდელზე, რომელიც სახელმწიფოსა და კერძო სექტორის პარტნიორობას ეფუძნება. პროფესიული განათლების რეფორმირების შემდეგი ნაბიჯი რეგიონულ განვითარებაზე ორიენტირებული სწრაფი დასაქმების მოქნილ მოდელზე გადასვლა იქნება, რაც მოკლევადიანი გადამზადების სისტემის შექმნას გულისხმობს. ეს ხელს შუწყობს რეგიონებში ადგილობრივი წარმოების გაზრდასა და ახალი სამუშაო ადგილების შექმნას“- განაცხადა გრიგოლ კაციამ.